Un Donoh Ess Dä Karneval Vorbei Lyrics

Jenaujenomme kann mer kaum jet sinn
Usser noh Minsche rüsch et extrem noh Kerosin
Wolke vüürm Mohnd, Luff wie Aspik
Mucksmühsjestill un dann em nähxte Aurenbleck

Massenhaft Trommler met ‘nem Groove wie uss Blei
Eez nur Jejammer, dodruss weed spääder dann Jeschrei
Dä Pöbel brüllt: „Dä Nubbel ess schuld!“
Et kütt, wie‘t kumme sollt

Un donoh ess dä Karneval vorbei
Leechterloh, zo Jetrommel un Jeschrei
Ess dä Sündebock verbrannt
Alles fängk vun vörre ahn. Aus, vorbei

Für Jeiz un Jier ‘ne Neuahnfang,
Für Egoismus, Niederdrächtigkeit un Ignoranz
Für Selvsjeräächtigkeit un Scheinheiligkeit
Für jede Art vun Völlerei un Eitelkeit

Dä Zwillingsbrooder vum Verroot heiß Bedrooch
Ihr Schwester Neid, nä, och die kräät noch nie jenooch
Nur wer metklüngelt, kritt ‘ne Fooß enn die Düür
Un öhntlich intrigiert

Un donoh ess dä Karneval vorbei
Leechterloh, zo Jetrommel un Jeschrei
Ess dä Sündebock verbrannt
Alles fängk vun vörre ahn. Aus, vorbei